رأي الشعب التايه في التعديلات الدستورية

يا سلام الشعب أدي رأيه في التعديلات الدستورية وسلملي علي أحلي شعب في العالم بحبكم والله

قلعة الكبش

توقفت كثيرا أمام صورة هذه الأسرة الفقيرة من قلعة الكبش وقد جلست علي ماتبقي من الكوخ الخشبي الذي كانوا يسكانون فيه ،إلي ماذا ينظرون ؟ هل ينظرون إلي الحكومة التي تخلت عنهم ؟ أم ينظرون إلي مجتمع يرفض الأعتراف بهم؟ أم ينظرون إلي المستقبل الغامض المبهم الذي ينتظرهم ؟ كيف نبني سيتي ستارز والفور سيسونز وأناس يعيشون في أكواخ؟ هل نظر أحدانا إلي القاهرة يوما ولاحظ أنها في أغلبها تتكون من مناطق فقيرة غير مرتبة وقذرة ماعدا أماكن قليلة تتمتع بالنظام والأمكانيات لمعيشة إنسانية؟! لماذا يعيش أغلب المصريين تحت الفقر وتتمتع أقلية صغيرة بالثروة والرفاهية؟ لا أريد أن أظلم أحد ولكن اطالب بالعدل ليأخذ كل ذي حق حقه ، فلا يستحق أحد أن يعيش في أكواخ والمزابل ويحرم من معيشة إنسانية لمجرد أنه فقير لايملك شيء وعلي الناحية الأخري تبني القصور والفنادق الخمس نجوم .

إقرا يا محترم ويا محترمة

من مدونة أسد

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .

يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .

احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!

دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .

يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .

شباب بيحلم ببكره.

إحم أنا للأسف نفسي أشارك بس الظروف بقي!!!!!!!!

التعديلات أحه

مصر هتتقلب عزبة ياجدعان
مش هيبقي فيها حاجة للغلبان
أصل كله هيبقي في بطن الشبعان
ياريت نتحرك قبل فوات الأوان

أحه أحه يالاأ تنحي يامبارك

المظاهرة التدوينية

Check out this MySpace MP3 Player!


يا قبضتي دقي على الجدار

لحد ليلنا ما يتولد له نهار

يا قبضتي دقي على الحجر

لحد ما تصحي جميع البشر

لحد ما تتفسر الاسرار

مش فاهم اللي حاصل

لكن بقلبي واصل

واللي مش فاهمه عقلي

بتشرحه السلاسل

يا قلوب بتنزف دم في العتمة

يا قلوب بتنزف دم وتغني

سجنوكي والكلمة

والكلمة غصبن عنها وعني

طلعت من القضبان وم الاسوار

!!!!!!!!!!! الله أكبر

الله أكبر الذي نصر عبده علي عبد الكريم
الله أكبر ذهب الفساد من غير رجعة
الله أكبر مصر أصبحت حرة
الله أكبر ياسلام علي بلدنا
الله أكبر إلي الجهاد ياأبا حنظله
الله أكبر والموت للكفره
المشهد إللي أنتوا شفتوا ده لعبد الكريم وهو بيترحل من المحكمة بعد الحكم عليه ولما طلع و الناس شافته فيه مجموعة منهم ماقدرتش تمسك نفسها وقعدت تهتف الله أكبر ولله الحمد قال يعني الأسلام إنتصر وهزم الكفار أو الظاهر أنها كانت معركة تحرير الأسلام من براثن و قبضة عبد الكريم الشريرة ولو ركزتوا في أخر الفيديو يتم ضرب عبدالكريم ويتم سماع [أي] وأقول لكل من كان مع حبس عبد الكريم أو كان مع أنه يترجم وإلي أخره تقدروا تناموا دلوقتي وعينكم مغمضة أصلها من كتر الغيرة علي الدين ياعيني ماكنتش بتتقفل